येँ महानगरपालिकां थौंनिसे वृक्षारोपण सुरु यागु दु । मेयर विद्यासुन्दर शाक्यं वडा न. १२ या ह्युमत खुँसि सिथय् सिमा पियादीगु खः।

 

थौं मेयर शाक्यं चाँपया सिमा पियादीगु खः। वातावरण विभागं बर्खा इलय् सारे याय वलय् याकान जिइगुलि थुगु जातया सिमा पियागु खः धका धागु दु।सिमा पिइ वलय् सहर सरसफाइ, वाँउसे च्वना बालाइगु जुगुलि थज्यागु योजना व आःतक सम्पन्न जुगु ज्याया बारय् मेयस शाक्यं बःचाहाकलं थःगु प्रतिक्रिया बियादीसे, ‘ह्यूपाः यक्को वये धुकुगु दु। आवश्यकता पूरा यायेत अझ न ज्या यायेमानि।’

 

‘सार्वजनिक जग्गा संरक्षण याना हरियाली अप्वोकेगु जिमिगु नीति दु। नीति कथं सार्वजनिक निकाय व समुदाय नाप सहकायय् सिमा पिइगु ज्या याना च्वनागु दु । चिमाःगु सिमा हुर्के यायेत थाकुगुलि कम्ती न ५ फिट स्वया तमाःगु सिमा पिइगु मापदण्ड दयका हे जिमिसं ज्या यानाच्वंनागु दु ।’ हरियाली नाप सहर बालाकेत नियमित व विशेष सरसफाइ यायेगु, दृश्य प्रदुषण याइग् बस्तुइ प्रदर्शन रोके यायेगु व दुगु न हटे यायेगु ज्या जुयाच्वंगु दु। महानगरं वडा नाप समन्वय याना थुगु बर्खाय् २ हजार ५ स्वया अप्वो सिमा पिइगु योजना दु धका धयादीगु खः।