सरकारं साउन ३ गतेया लागि संसद बैठक सःत्येगु सिफारिस यागु दु।

बिहीबाः च्वंगु मन्त्रिपरिषदया बैठकं साउन ३ गते प्रतिनिधिसभाया बैठक सःत्येगु लागि राष्ट्रपति समक्ष सिफारिस यायेगु निर्णय यागु दु धका गृहमन्त्री बालकृष्ण खाँणं जानकारी बिगु दु।

जेठ ७ गते तत्कालीन मन्त्रिपरिषदया सिफारिय् राष्ट्रपति विद्यादेवी भण्डारीं प्रतिनिधिसभा विघटन याना मध्यावधि निर्वाचन घोषणा यागु दु।

तर सर्वोच्च अदालतं संसद पुनःस्र्थापना यायेगु फैसला न्यकूगुलि साउन ३ गते दुने प्रतिनिधिसभाया बैठक सःत्येगु आदेश बिगु खः।

Categorized in राष्ट्रिय