राष्ट्रपति कार्यालयं थःगु नियुक्तबारे भिंकूलि नवनियुक्त प्रधानमन्त्री शेरबहादुर देउवां पद व गोपनीयताया शपथ कागु दु।

अथेहे प्यम्ह मन्त्री नियुक्त याना मन्त्रिपरिषद् गठन यागु दु। म्हिगः मंगलबाः है देउवां नेपाली कांग्रेसपाखे बालकृष्ण खाँणयात गृह व ज्ञानेन्द्रबहादुर कार्की कानुन न्याय व संसदीय मामिलामन्त्री नियुक्त यागु दु।

सत्ता साझेदार नेकपा माओवादी केन्द्रपाखे जनार्दन शर्मायात अर्थ व पम्फा भुसालयात ऊर्जा, जलस्रोत तथा सिञ्चाइ मन्त्री नियुक्त यागु दु। प्यम्ह मन्त्रीं राष्ट्रपति लिसे म्हिगः शपथ कागु दु ।

Categorized in राष्ट्रिय