सर्वोच्च फैसला गलत जूसां नं स्वीकार याये: नेता सुवास नेम्वाङ
लहानान्युज | दिल्लाथ्व द्धितीया ११४१,असार २८ सोमवाः
![](https://www.lahananews.com/sites/default/files/suwas.jpg)
नेकपा एमाले संसदीय दलया उपनेता सुवास नेम्वाङं प्रतिनिधिसभा पुनःस्थापना यायेगु सर्वोच्च अदालतया फैसला गलत जूसां नं स्वीकार यायेगु धाःगु दु ।
नेकपा एमाले संविधान, लोकतान्त्रिक मूल्य व मान्यता माने याइगु शक्ति जूगुलिं अदालतया फैसला माने यायेगु धका नेम्वाङं धाःगु दु ।
नेम्वाङं धाःगु दु, ‘थ्व फैसलाप्रति सहमत जुइफइगु थाय् खनेमदु । तर थुलि जूसां नं कानूनया शासन व लोकतन्त्रय् विश्वास याइगु शक्ति जूगु हुनिं सर्वोच्च अदालतया थुगु गलत निर्णयया जिमिसं माने याये ।’ वं संविधान, लोकतान्त्रिक मूल्य व मान्यता कथं निरन्तर संघर्षय् वनेगु नं धाःगु दु ।
अदालतया फैसलां गम्भीर न्ह्यसः ब्वलनीगु स्थिति वःगु नेम्वाङं धाःगु दु । संविधान, संवैधानिक अभ्यास व संसदीय न्ह्यसःयात तकं न्ह्यसः ब्वलनीगु कथं फैसला वःगु नेम्वाङं धाःगु दु ।
Categorized in राष्ट्रिय