किपूलि ओलम्पिक दिवस हन
लहानान्युज | दिल्लाथ्व द्धितीया ११४१,असार २८ सोमवाः
![](https://www.lahananews.com/sites/default/files/214202837_922942898438125_6090612564890869021_n.jpg)
ओलम्पिक दिवस २०२१ या लसताय् नेपाल ओलम्पिक कमिटी अन्र्तगत पिस थ्रु स्पोर्ट्स कमिशन व स्पोर्ट्स एण्ड ईन्भरमेण्ट कमिशनया मंकाः ग्वसालय् नेपाल ओलम्पिक कमिटीया अध्यक्ष जीवनराम श्रेष्ठया मूपाहाँसूइ किपूूया ताहाँल्चा झःख्याःय् सिमापिइगु ज्याझ्वः जुगु दु।
उगु ज्याझ्वलय् अध्यक्ष श्रेष्ठं थज्यागु ज्याझ्लं कासा सकरात्मक लिच्वःलाइ धका धयादीसे व ईन्भरमेण्टय् थप ग्वाहालि जुगु धका धयादीगु खः। नाप किपूया मेयर व उपमेयरपिन्त किपूलिइ ओलम्पिक वन निर्माण यायेगु लागि थाय् या न माग यानादीगु खः।
ज्याझ्वलय् किपू नगरपालिकाया मेयर रमेश महर्जन, उपमेयर सरस्वती खड्का, नेपाल ओलम्पिक कमिटीया उपाध्यक्ष नाप कार्यकारी निर्देशक चतुरानन्द राजबैद्य, महासचिव निलेन्द्र राज श्रेष्ठ, सचिव माननीय तुलसा थापा, सदस्य राम अवाले, कमिशनया पदाधिकारीपिनिगु न उपस्थिती दुगु खः।
Categorized in कासा