युरोकप फुटबलया सेमिफाइनलया कासा थौंनिसें जुइगु
बछलागा द्धादशी ११४१, असार २२ मंगलवाः
![](https://www.lahananews.com/sites/default/files/semi.jpg)
युरोकप फुटबलया सेमिफाइनल कासात थौंनिसें न्ह्यायेत्यंगु दु ।
धेधेबल्लाया न्हापांगु सेमिफाइनल कासाय् थौं चान्हय् इटाली व स्पेन दथुइ कासा जुइ । नेपाली ई कथं चान्हय् १२ ता ई जुया ४५ गू मिनेटय् कासा न्ह्याइ ।
युरोकपय् आः ल्यंदूगु सेमिफाइनलया कासा व फाइनलया छगू कासा बेलायतया लण्डनस्थित वेम्बले रंगशालाय् न्ह्याइ ।
क्वाटरफाइनलय् बेल्जीयमयात २–१गूया गोल अन्तरं बुका इटाली व स्विट्जरल्याण्डयात टाई ब्रेकरय् बुका स्पेन सेमिफाइनलय् थ्यंगु खः ।
युरोकप फुटबलया निगूगु सेमिफाइनल कासा कन्हय् चान्हय् इंग्ल्याण्ड व डेनमार्क दथुइ जुइ ।
Categorized in कासा