पोखरा क्षेत्रीय अन्तर्राष्ट्रिय विमानस्थलया दयेकेज्या क्वचाइन
बछलागा दशमी ११४१, असार २० गते आइतबाः
राष्ट्रिय गौरवया योजनाअन्तर्गत पोखरा क्षेत्रीय अन्तर्राष्ट्रिय विमानस्थल थ्यंमथ्यं दयेके धुनीन ।
विमानस्थलयात आवलिं खुलादुने दयेके धुंकेगु लक्ष्य तःगु धागु दु । थ्वहे लाय् दयेकेधुंकेगु लक्ष्य दुगु खःसां कोरोना महामारीया हुनिं आयोजनाया ज्या निर्धारित ई स्वयां लिबाक्क धुनीगु जूगु खः ।
वंगु आर्थिक दँ २०७६÷७७ य् विमानस्थलया ६१गू प्रतिशत भौतिक प्रगति जूगु दु । वंगु दँ महामारीया हुनिं विमानस्थल दयेकेगु ज्यां गति मकायेवं चालू आर्थिक दँय् उकिया प्रभाव लाःगु खः ।
मे महिनाय् विदेशी विशेषज्ञत वयाः विमानस्थलयात अवलोकन याकेगु योजना दुसां कोभिडया निगूगु लहरया हुनिं ज्या द्यूगु खः । विदेशं वइपिं जनशक्ति जुलाईनिसें अगस्टदुने वइगु व्यवस्था यानातःगु इन्जिनियर कृष्ण पौडेलं जानकारी बियादिल ।
थ्यंमथ्यं ५सःम्ह जनशक्तिं ज्या यानाच्वंगु खःसां महामारीया हुनिं २सःम्ह जनशक्तिइ लिकुंगु दु । आः फिनिसिङ, लाइट तयेगु, इलेक्ट्रिफिकेसन, इक्यूवमेन्ट, पाइपलाइन लायेगुनिसें सडकया ज्या न्ह्यानाच्वंगु दु ।
कूल २२गू अर्ब तकाया चिनियाँ ऋण ग्वहालिइ विमानस्थल दयेकेज्या न्ह्याःगु दु । विमानस्थल दयेकेज्या सन् २०१७ या नोभेम्बरय् सुरु याःगु खः ।
Categorized in राष्ट्रिय
