धादिङय् वंगु चलखं निम्ह मनू सित
लहानान्युज | बछलागा नवमी ११४१, असार १९ सनिवाः
![](https://www.lahananews.com/sites/default/files/dhadhig.jpg)
पृथ्वी राजमार्ग अन्तर्गत धादिङया बेनीघाट रोराङ गाउँपालिका वडा नम्बर १० जवाङ खुसिइ वगु चलखं न्यागः सवारी साधन ल्हाना निम्ह मनू सीगु दु।
अथेहे मेपि खुम्ह घाइते जुगु दु। ना ८ ख ४५४० नम्बरया ट्रकय् च्वपि चितवनया राप्ती नगरपालिका ६ च्वम्ह अन्दाजी १८ दँ दुम्ह बिरबल प्रजा व ना ७ ख ३२० नम्बरया कन्टेनरय् भारतया ४३ दँ दसम्ह सोनी देवी सीगु खः।
हिरो बा १२ च ७१५६ नम्बरया म्याजिक भ्यान, ना ७ ख ३२० नम्बरया कन्टेनर, बा १ ग २८३१ नम्बरया ट्रक, ना ८ ख ४५४० नम्बरया ट्रक व पीएन २८ एए ०१२० नम्बरया ट्रक ल्हागु दु धका जिल्ला प्रहरी कार्यालय धादिङं धागु दु।
घटनास्थलय् उद्धारया लागि इलाका प्रहरी कार्यालय गजुरी व इलाका प्रहरी कार्यालय बेनीघाटपाखे डिएसपीया कमाण्डय् प्रहरी परिचालन यागु खः। स्थानीय सरकार व सतक विभागया टोलीपिन्स खोज व उद्धारय् खटे जुगु दु धका प्रहरीं धागु दु ।
Categorized in राष्ट्रिय