एमालेया झीक्वःगु राष्ट्रिय महाधिवेशन आयोजक कमिटीया बैठकय् कन्ह्य
लहानान्युज | बछलागा पंचमी ११४१, असार १५ मंगलवाः
![](https://www.lahananews.com/sites/default/files/CPN-UML-1_6.jpg)
नेकपा एमालेया झीक्वःगु राष्ट्रिय महाधिवेशन आयोजक कमिटीया बैठकय् वरिष्ठ नेता माधवकुमार नेपाल समूहया नेतापिन्त न सःतूगु दु।
कन्ह्य बुधवाः सुथय् ११ बजे च्निइगु महाधिवेशन आयोजक कमिटीया बैठकय् माधव नेपाल समूहया केन्द्रीय सदस्यपिन्त न सःतूगगु दु धका केन्द्रीय कार्यालय सचिव शेरबहादुर तामाङं धागु दु।
तर वरिष्ठ नेता झलनाथ खनाल, नेता नेपाल, भीम रावल, रामकुमारी झाँक्री, कल्याणी खड्का लगायत झीछम्हेसित धासा सःतुगु मदु। अध्यक्ष केपी शर्मा ओलीं जेठ १० गते नेता खनाल, नेपालपिन्त पार्टीपाखे निष्कासन यागु खः।
कारबाही मजूपि सकसित बैठकय् सःतूगु दु। थुगु बैठकं झीक्वःगु राष्ट्रिय महाधिवेशन आयोजक कमिटी विघटन यायेगु तयारी दु। वंगु २८ गते फागुनय् अध्यक्ष केपी शर्मा ओलीं झीक्वःगु महाधिवेशन आयोजक कमिटी दयकगु खःसा सर्वोच्च अदालतं मान्यता मबिगु खः ।
वयालिपा जेठ २ गते २०७५ या एमाले पार्टी कमिटी, विधान व नेतृत्व कायम यायेगु तयारी अध्यक्ष ओलीं यागु खः।
Categorized in राष्ट्रिय