सरकारं तोके यागु अस्पताल व प्रतिष्ठानय् जक कोरोनाया निःशुल्क वास याइगु
लहानान्युज | बछलागा पंचमी ११४१, असार १५ मंगलवाः
![](https://www.lahananews.com/sites/default/files/uu%20%2859%29_24.jpg)
कोभिड–१९संक्रमितया निःशुल्क उपचार आः सरकारी अस्पताल व प्रतिष्ठानपाखे जक जुइगु जुगु दु।
स्वास्थ्य तथा जनसंख्या मन्त्रालयया सहप्रवक्ता डा समीरकुमार अधिकारीं छगु विज्ञप्ति जारी यासे सरकारी अस्पताल व प्रतिष्ठानपाखे जक कोरोना संक्रमितपिनिगु निःशुल्क उपचार याइ धका धागु दु।
कोभिड–१९ या उपचार लागि सेवा सम्झौता जुगु मेडिकल कलेजय् असार १४ गते तक भर्ना जुपिन्त उपचार संक्रमितपि उगु मितिं १० दिं तक जक सोधभर्ना उपलब्ध यायेगु धका मन्त्रालयया विज्ञप्तिइ उल्लेख यागु दु।
निजी अस्पताल व मेडिकल कलेजय् संक्रमितपिनिगु उपचारय् सरकारं तोक यागु स्वया अप्वो शुल्क मकायेत इनाप यागु दु। रकारं थ्व स्वया न्ह्यः थीथी निजी अस्पताल व मेडिकल कलेज नाप सेवा सम्झौता याना संक्रमितपिनिगु निःशुल्क उपचार यायेगु व्यवस्था मिले यागु खः।