वंगु बुधवाः व बिहीवाः घटे जुगु शेयर बजार थौं आइतवाः २७ अङ्क स्वया अप्वो थहावंगु दु। नेप्से थौं २७ दशमलव ३८ अङ्क थहावन २८७० दशमलव ३८ अङ्क थ्यंगु दु।

थौं धासा हाइड्रोपावर समूहको शेयर ७६ दशमलव १ अङ्क, व्यापारय् ४७ दशमलव २ अङ्क, बैंकिङ समूहय् ३८ दशमलव २६ अङ्क थहावंगु दु।

विकास बैंक समूह शेयर धासा अझ न ६० अङ्कं घटे जुगु दु। २२७ कम्पनीं २ करोड ९ लाख ७४ हजार ३७७ कित्ता शेयरय् ७ अर्ब १६ करोड ७४ लाख रुपैयाँ कारोबार जुगु दु।

थौं नेपाल हाइड्रो पावर कम्पनीइ दकलय् अप्वो ४० करोड रुपैयाँ बराबरया शेयर कारोबार जुगु दु। अथेहे सेन्चुरी कमर्सियल बैंक व माथिल्लो तामाकोशी हाइड्रोपावर कम्पनीया शेयर भाः झन्डै १० प्रतिशत थहावंगु दु।

गोर्खाज फाइनान्स कम्पनीया शेयर भाः झन्डै ४.५ प्रतिशत क्वहावंगु दु।

Categorized in राष्ट्रिय