वंगु २४ घण्टाया दुने थप २०१६ म्हेसित कोरोना भाइरस संक्रमण पुष्टि जुगु दु।

स्वास्थ्य तथा जनसंख्या मन्त्रालयया कथं ४७०४ म्हेहिगु पीसीआर परीक्षणय् ११७४ म्ह व ४८०६ म्हेसिगु एन्टिजेन परीक्षणय् ८४२ म्हेसित संक्रमण पुष्टि जुगु दु थ्व नाप आःतक नेपालय् कोरोना संक्रमितपि ६ लाख ३२ हजार ३२६ म्ह थ्यंगु दु। कोरोना संक्रमणया कारण वंगु २४ घण्टाय् ३० म्ह सीगु दु सा ४९१४ म्ह संक्रमणमुक्त जुगु दु।

थ्व नाप आःतक नेपालय् कोरोना संक्रमणमुक्त जूपि ५ लाख ८१ हजार ३२७ म्ह थ्यंगु दु। अथेहे आःतक कोरोना संक्रमणं ८ हजार ९७५ म्ह सी धुकुगु दु।

अथेहे सक्रिय संक्रमितपि ४२ हजार २४ म्ह थ्यंगु दु। उकि मध्ये ३९ हजार १९९ म्ह होम आइसोलेसनय् व २ हजार ८२५ म्ह संस्थागत आइसोलेसनय् दु। अथेहे ७३४ म्ह आईसीयू व २२२ म्ह भेन्टिलेटर तया वासः याका च्वंगु दु।

Categorized in राष्ट्रिय