न्युजिल्याण्डयात विश्व टेस्ट च्याम्पियनसिप क्रिकेटया उपाधि
लहानान्युज | बछलाथ्व पुन्हि ११४१, असार १० बिहीवाः
![](https://www.lahananews.com/sites/default/files/in_12.jpg)
न्हापागु विश्व टेस्ट च्याम्पियनसिप क्रिकेटया उपाधि न्युजिल्याण्डं त्याकूगु दु।
भारतयात च्यागु विकेटं त्याका न्युजिल्याण्ड न्हापागु संस्करण च्याम्पियनसिपया उपाधि त्याकेत सफल जुगु खः। इङ्ल्याण्डया साउथ ह्याम्प्टनय् भारतं बिगु १३९ रनया लक्ष्य न्युजिल्याण्डं २ विकेट गुमे याना उगु लक्ष्य पुरा यागु खः।
उकिया लागि केन विलियम्सनं नटआउट ५२ व रोस टेलरं ४७ रन दयकूगु खः। निगुगु पालीइ भारतं १७० रनय् अलआउट जुगुलि न्युजिल्याण्डयात १३९या लक्ष्य वंगु खः। भारतयात अलआउट यायेगु लागि न्युजिल्याण्डया टिम साउथीं ४ विकेट कागु खः।
न्हापागु पालीया भारतं २१७ व न्युजिल्याण्डं २४९ रन दयकूगु खः। पटक पटक वा वया म्हिगयागु रिजर्भ डे या रुपय् खुन्हु कुन्हु म्हितिगु खः । विश्व विजेता न्युजिल्याण्डं १६ मिलियन अमेरिकी डलर अथे धइगु १८ करोड रुपैयाँ बराबरया पुरस्कार कागु दु।
Categorized in कासा