प्रधानमन्त्री केपी शर्मा ओलीं संसद विघटन लिपा मन्त्रिपरिषद विस्तार यागुलि सर्वोच्च अदालतं बदर यागु दु।

 

थ्व नाप निम्ह उपप्रधानमन्त्री, १५ म्ह मन्त्री व स्वम्ह राज्यमन्त्री स्वतः पदमुक्त जुगु दु। मंगलवाः प्रधानन्यायाधीश चोलेन्द्रशम्शेर जबरा व न्यायाधीश प्रकाशकुमार ढुंगानाया इजलासं संसद विघटन लिपा नियुक्त जूपि उपप्रधानमन्त्री, मन्त्री व राज्यमन्त्रीयात ज्या याकेमते धका अन्तरिम आदेश जारी यागु दु।

 

प्रधानमन्त्री कामचलाऊ सर्वोच्चं ७ जेठया चान्ह्यः प्रतिनिधिसभा विघटन जुइवं प्रधानमन्त्री ओली स्वतः पदमुक्त जुगु धका धागु दु।

 

प्रतिनिधिसभा सदस्य मजुगुलि हे संविधानया धारा ७७(१) कथं ओलीया प्रधानमन्त्री पद न खाली जुुगु व उपधारा ३ बमोजिम मेगु मन्त्रिपरिषद् मजुगु तले कामचलाउ जक जुइ धका आदेश बिगु दु। कामचलाउ प्रधानमन्त्रीयात मन्त्रिपरिषद विस्तार यायेगु अधिकार दइ मखु धका सर्वोच्चया आदेशय् उल्लेख दु।

 

पदमुक्त जूपि थुकथं दु?

 

उपप्रधानमन्त्री तथा परराष्ट्रमन्त्री रघुवीर महासेठ

 

उपप्रधानमन्त्री तथा शहरी विकासमन्त्री राजेन्द्र महतो

 

गृहमन्त्री खगराज अधिकारी

 

उर्जामन्त्री शरतसिंह भण्डारी

 

खानेपानीमन्त्री अनिलकुमार झा

 

स्वास्थ्य तथा जनसंख्यामन्त्री शेरबहादुर तामाङ

 

उद्योग, बाणिज्य तथा आपूर्तिमन्त्री राजकिशोर यादव

 

भूमिव्यवस्था, सहकारी तथा गरिबी निवारणमन्त्री लक्ष्मणलाल कर्ण

 

सञ्चार तथा सूचनामन्त्री नैनकला थापा

 

कृषि तथा पशुपक्षीमन्त्री ज्वालाकुमारी साह

 

श्रम, रोजगार तथा सामाजिक सुरक्षामन्त्री विमलप्रसाद श्रीवास्तव

 

संघीय, पर्यटन तथा पर्यटन उड्डयनमन्त्री उमाशंकर अरगरिया

 

 

युवा तथा खेलकुदमन्त्री एकवाल मियाँ

 

वन तथा वातावरणमन्त्री नारदमुनि राना

 

संघीय मामिला तथा सामान्य प्रशासनमन्त्री गणेशकुमार पहाडी

 

प्रधानमन्त्री तथा मन्त्रिपरिषदको कार्यालय हेर्ने मन्त्री मोहन बानियाँ

 

उर्जा, जलस्रोत तथा सिंचाई राज्यमन्त्री चन्द्रकान्त चौधरी

 

महिला बालबालिका तथा ज्येष्ठ नागरिकमन्त्री रेणुका गुरुङ

 

वन तथा वातावरण राज्यमन्त्री आशाकुमारी विक

 

आः मन्त्रिपरिषदय् प्रधानमन्त्री ओली नाप प्यम्ह मन्त्री जक ल्यःदनिइ। अर्थमन्त्री विष्णु पौडेल, भौतिक पूर्वाधार तथा यातायातमन्त्री बसन्त नेम्वाङ, शिक्षा, विज्ञान तथा प्रविधिमन्त्री कृष्णगोपाल श्रेष्ठ व कानुन, न्याय तथा संसदीय मामिलामन्त्री लीलानाथ श्रेष्ठ खः।