ज्वाला संग्रौलायात स्वन्हुया लागि हिरासतय् तयेत प्रशासनं अनुमति
लहानान्युज | बछलाथ्व एकादशी ११४१,असार ७ सोमवाः
थःत अभियन्ता धका धया वयाच्वम्ह ज्वाला संग्रौलायात स्वन्हुया लागि हिरासतय् तयेत प्रशासनं अनुमति बिगु दु।
अभद्र व्यवहार सम्बन्धी कसूरया अनुसन्धानया लागि हिरासतय् तयेत जिल्ला प्रशासन कार्यालय, काठमाडौं न अनुमति बिगु खः।
काठमाडौंया प्रमुख जिल्ला अधिकारी कालिप्रसाद पराजुलीं काठमाडौं प्रहरी माग यागु कथं अनुसन्धानया लागि अनुमति बिगु दु।
संग्रौला नाप वया भात हिमाल उपाध्याय व शर्मिला वाइवायात न कुनेत अनुमति बिगु खः।
युवा संघया नेतृ खुश्बु (नविता) घिमिरे न बिगु किटानी जाहेरीया आधारय् संग्रौला ज्वंगु खः।
Categorized in राष्ट्रिय
