नेप्से परिसूचक ७१ दशमलव ०६ अंकं घटे जुल
लहानान्युज | बछलाथ्व एकादशी ११४१,असार ७ सोमवाः
![](https://www.lahananews.com/sites/default/files/NEPSE%20fall_2.jpg)
वाःया न्हापागु दिं तसकं क्वहावंगु सेयर कारोबार कारोबार मापक नेप्से परिसूचक थौं न क्वहावंगु दु।
७१ दशमलव ०६ अंकं घटे जुया २ हजार ८ सय ३४ दशमलव ४० अंकय् थ्यंगु दु। ‘क’ वर्गया कारोबार मापन याइगु सेन्सेटिभ इन्डेक्स ८ दशमलव ३७ अंक घटे जुया ५२० दशमलव १८ अंक झरे जुगु खः।
कारोबार रकम धासा करिब १२ अर्ब थ्यंगु खः। १ लाख ३० हजार ३९७ कारोबारपाखे २२७ कम्पनीया २ करोड ३० लाख ११ हजार ८२० कित्ता सेयर किनबेच जुगु खः। उकिया कारोबार रकम ११ अर्ब ८४ करोड ५४ लाख ५४ हजार ६ सय ४ रुपैयाँ थ्यंगु खः।
थौं यक्को गुमे यागु फाइनान्स कम्पनी व निगुगु जलविद्युत् कम्पनी खने दु। विकास बैंक समूह ४ दशमलव ६ प्रतिशतं गिरावट वंगुलि दकलय् अप्वो नारायणी डेभलपमेन्ट बैंक खने दु। कारोबारय् ७१ अंकं क्वहावंगुलि नारायणीया सेयर मूल्य करिब १० प्रतिशतं थहावंगु दु।
थुगु बैंक समस्याग्रस्त सूचीइ लागु खःसा राष्ट्र बैंकं फुकुवा यागु बैंक खः। समस्याग्रस्तपाखे फुकुवा जुइवं थुगु बैंकं १ बराबर २ अनुपातया हकप्रद सेयर जारी यायेगु तयारी यागु खः। तर राष्ट्र बैंकं १ बराबर १ अनुपातया जक हकप्रद जारी यायेत स्वीकृति बिगु खः। बैंकं १ बराबर १ अनुपातया हकप्रद जारी यायेत धितोपत्र बोर्डया अनुमति माग यासे निवेदन बिगु खः। हकप्रदया कारण न थुगु बैंकया सेयर भाः थहावंगु खः।
Categorized in राष्ट्रिय