टोकियो ओलम्पिकय् सहभागि छम्ह कासामि कोरोना पोजेटिभ
लहानान्युज | बछलाथ्व एकादशी ११४१,असार ७ सोमवाः
![](https://www.lahananews.com/sites/default/files/uu%20%2858%29_2.jpg)
टोकियो ओलम्पिकय् सहभागिता जूवंम्ह जापानय् युगान्डा टिमया छम्ह कासामियात कोरोना भाइरस सङ्क्रमण खने दुगु दु।
जापानय् वंना परीक्षण यागुलि वयात कोरोना पोजेटिभ खने दुगु खः। ओलम्पिकया लागि युगान्डाय् गुम्ह सदस्यीय टिम जापान वंगु खः। सङ्क्रमित मनूया परिचय गोप्य तःगु दु। उमिसं कोरोनाया पूर्ण खोप कया जापान वंगु धका धागु दु।
टोकियो ओलम्पिक वइगु जुलाई २३ तारिनिसे अगस्ट ८ तारिख तक जुइ। कोरोना महामारीया कारण दच्छि लिपा लागु खःसा वइगु जुलाई २१ तारिखनिसे सुरु जुइ।
कोरोना महामारीया दथुइ कासा यागु धका टोकियो ओलम्पिकया आलोचना जुयाच्वंगु खः। तर, ओलम्पिक समितिं व जापान सरकारं सुरक्षित तरिकां कासा यायेगु धका धया वयाच्वंगु खः।
Categorized in कासा