कोपा अमेरिकाय् अर्जेन्टिनाया न्हापांगु जित
बछलाथ्व, नवमी ११४१, असार ५ शनिबाः
![](https://www.lahananews.com/sites/default/files/cop.jpg)
कोपा अमेरिका फुटबलय् अर्जेन्टिनां न्हापांगु जित दर्ता याःगु दु ।
थौं सुथय् जूगु कासाय् अर्जेन्टिनां उरुग्वेयात १–०या गोल अन्तरं बुकुगु खः । पुचः ‘ए’ लय् दूगु अर्जेन्टिना शीर्ष थासय् दु । जेम्स रोड्रिगेजं याःगु छगू जक गोल हे अर्जेटिनायात स्पष्ट ३गू ल्याः चूलाकेत माक्वः जुल । १३गूगु मिनेटय् अर्जेन्टिनाया कप्तान लियोनल मेस्सीया एसिस्टय् रोड्रिगेजं गोल याःगु खः ।
उगु हे अग्रता अर्जेन्टिनां कासाया लिपांगु ई तक्क ल्यंकातःगु खः । अथेहे चिलीं नं न्हापांगु जित दर्ता याःगु दु । थौं हे जूगु मेगु कासाय् चिलीं बोलिभियायात १–०या गोल अन्तरं बुकुगु खः ।
कासा त्यागु नापं चिली पुचः ‘बी’ या शीर्ष थासय् दु । चिलीं ४गू ल्याः मुंकुगु दुसा निगू कासय् बुइमाःगु बोलिभिया ल्याः मदय्कुसें दक्वःलय् लिउने दु ।
Categorized in कासा