रोनाल्डों कोकया बोतल चीकेवं कम्पनीया ४गू बिलियन डलर कुहाँवल
लहानान्युज | बछलाथ्वः सप्तमी ११४१, असार ३ गते विहीबाः
![](https://www.lahananews.com/sites/default/files/rra.jpg)
पोर्चुगल सुपरस्टार क्रिस्टियानो रोनाल्डों पत्रकार सम्मेलया ईलय् टेबलय् दूगु निगः कोकाकोलाया बोतल चीकेवं कोकाकोलाया बजाः मू ४गू बिलियन डलरय् कुहाँवःगु दु।
युरो २०२०य् हंगरीविरुद्ध कासा जुइन्ह्यः पत्रकार सम्मेलनय् रोनाल्डों टेबलय् तयातःगु निगः कोकाकोलाया बोतल तापाक्क चीकाः लःया बोतल क्यंगु खः।
गुकिइ याना अमेरिकन पेय पदार्थ कोकाकोलाया सेयर मूल्य् गिरावट वःगु खः। हंगेरीया बुडापेस्टय् सोमबाः जूगु पत्रकार सम्मेलनय् रोनाल्डों कोकयाया चिइका पोर्चुजि भाषं लः धाःगु खः ।
गुकिया कारणं कोकया मू १.६ प्रतिशतं कुहाँवया ५५.४४ डलरय् वःगु दु धाःसा बजाः मू २४२ बिलियन डलरं कुहाँवया २३८ बिलयत डलर थ्यंगु दु । कोक युरो २०२ या मू प्रायोजक खः।
घटनालिपा कोकं छगू विज्ञप्ति पिथना दकस्यां थःयात यःगु पेय पदार्थ छनोट यायेफइगु धाःगु दु । विज्ञिप्तिइ कोक थें जाःगु ब्रान्डया ग्वहालि विना युरो थें जाःगु धेँ धेँबल्ला सुथांलाक्क न्ह्याकेमफइगु धाःगु दु ।
Categorized in कासा