वंगु २४ घण्टाया दुने देयन्यकं २ हजार ४९ म्हेसित कोरोना संक्रमण पुष्टि जुगु दु।

स्वास्थ्य तथा जनसंख्या मन्त्रालयया कथं थौं सोमवाः थीथी जिल्लाय् याना ९ हजार ४३८ म्हेसित पीसीआर परीक्षणय् २ हजार ४९ म्हेसित कोरोना पुष्टि जुगु दु। अथेहे, ५ हजार ३८१ म्हेसिगु एन्टिजेन परीक्षणय् ८६९ म्हेसित कोरोना संक्रमण खने दुगु दु।

पीसीआर व एन्टिजेन परीक्षणं २ हजार ९१८ म्ह संक्रमण पुष्टि जुगु दु धका मन्त्रालयं धागु दु।

थ्व नाप नेपालय् पीसीआर परीक्षणं कोरोना खने दुपि ६ लाख १० हजार ५२१ म्ह थ्यंगु दु। अथेहे, २४ घण्टाय् ५ हजार १४७ म्ह कोरोना संक्रमणमुक्त जुगु दु।

थ्व नाप कोरोना संक्रमणमुक्त जुपि ५ लाख ३६ हजार २५२ म्ह थ्यंगु दु। मन्त्रालयं बिगु जानकारी कथं देयन्यक थप ५३ म्ह सीग धुकुगु दु।

थ्व नाप आःतक नेपालय् कोरोनां सीपि ८ हजार ४६५ म्ह थ्यंगु दु।

Categorized in राष्ट्रिय