मेलम्चीया लः निलाः मवइगु, केयूकेएलं लः वइगु धलः सार्वजनिक यात
बछलाथ्वः चतुर्थी, ११४१, जेठ ३१ गते सोमबाः
येँ स्वनिलय् थ्यंमथ्यं निला तक्क मेलम्चीया लः मवइगु जूगु दु ।
मेलम्चीया सुरुङ खाली यायेगु व देय्केज्यां नियमित वयाच्वंगु १७गू क्वःति लिटर लः मवइगु जूगु खः । स्वनिगलय् लः मवइगु जुइवं खोपानी लिमिटेडं लः इनेगु धलखय् ह्यूपाः हःगु दु ।
मेलम्चीया सुरुङ खाली यायेत व मर्मत सम्हार यायेत निलाः मालिगे मेलम्ची खोपानी विकास समितिं न्ह्यथंगु दु । गुुकिइ याना खानेपानीया धलःखय् ह्यूपाः हयागु खानेपानी लिमिटेड केयूकेएलं न्ह्यथंगु दु । केयूकेएलया कथं उगु ह्यूपाः धलः मेलम्चीया मर्मत ल्यंदत्तले जुई ।
केयूकेएलं सोमबाः जारी याःगु विज्ञप्ति कथं म्होति नं प्यन्हूया दिनय् छक्वः व अप्वःलय् १२न्हूया छक्वः लः वइगु न्ह्यथंगु दु ।
न्हूगु धलःकथं महांकाल, मीनभवन, थिमी स्टेशनपाखें इनाच्वंगु लः न्हेनुया छक्वः वइ धाःसा बालाजु स्टेसनपाखे इनाच्वंगु ९न्हू या छक्वः वइ ।
अथेहे यलःपाखें इनाच्वंगु लः १२न्हूया छक्वः ह्यूपा जुया वइगु धाःगु दु । केयूकेएलया कथं दक्कले म्हो ख्वपःया स्टेसनपाखें इनाच्वंगु लः प्यन्हूया ह्यूपाले वइगु धाःगु दु ।
Categorized in राष्ट्रिय