येँ महानगरपालिकां थौं सोमवाः व कन्ह्यः मंगलवाः भेरोसेल खोप बिइगु जुगु दु। २५ जेठनिसे न्यान्हु बिइ धागु खोप अभियानय् खोप अभाव जुगुलिं निर्धारित तिथि स्वया निन्हु न्ह्यः हे उगु अभियान स्थगित यागु खः। उगु अभियान कथं हे थौं व कन्ह्यः महानगरपालिकां बिइत्यःगु खः धका धागु दु।

येँ महानगरपालिका शहरी स्वास्थ्य तथा खाद्य पदार्थ नियमनया विभागीय प्रमुख हरिबहादुर कुँवरं जिल्ला स्वास्थ्य कार्यालय काठमाडौं भेरोसेल खोपया न्हापागु मात्रा कायेत छुटे जूपि ६०–६१ दँ दुपि जेष्ठ नगारिकपिन्स खोप कार्यक्रम सञ्चालन यायेत परिपत्र जुगु बमोजिम खोप कार्यक्रम सञ्चालन याये त्यःनागु धका धागु दु।

येँ वीर अस्पताल, शिक्षण अस्पताल, विरेन्द्र सैनिक अस्पताल व निजामती कर्मचारी अस्पतालय् जेठ ३१ व असार १ गते खोप बिइगु कार्यक्रम ज्याझ्वः दु। महानगरं आइतवाः जारी यागु सूचं कथं न्हापागु डोज कायेत छुटे जुपि ६०–६१ दँया जेष्ठ नागरिक व स्वास्थ्यकर्मी, कोभिड–१९ बिरार्मीपि नाप प्रत्यक्ष जाँच, उपचार व हेरचाहय् संलग्न चिकित्सक, नर्सिङ व प्यारामेडिक्स विद्यार्थी स्वास्थ्यकर्मीपिन्त खोप कायेत इनाप यागु खः।

खोप कार्यक्रम थौं सुथय् १० बजेनिसे न्हिनय् ४ बजे तक सञ्चालन जुइ।

Categorized in राष्ट्रिय