वंगु २४ घण्टाया दुने थप ३ हजार ७४९ म्हेसित कोरोना भाइरसया संक्रमण पुष्टि जुगु दु।

स्वास्थ्य तथा जनसंख्या मन्त्रालयया कथं ९ हजार ९०१ म्हेसिगु नमुना पीसीआर परीक्षणय् २ हजार ८७४ म्ह व ५ हजार ३३७ म्हेसिगु एन्टिजेन परीक्षणय् ८७५ म्ह याना ३ हजार ७४९ म्हेसित संक्रमण पुष्टि जुगु दु।

अथेहे नेपालय् कोरोना भाइरस संक्रमितपिनिगु ल्याः ६ लाख १९ हजार ४०१ म्ह थ्यंगु दु। उकि मध्ये ५ लाख १५ हजार ५९१ म्ह संक्रमणमुक्त जुगु दु। अथेहे देयन्यक ७७ हजार ८५८ म्ह सक्रिय संक्रमित दु।

कोरोना संक्रमणया कारण वंगु २४ घण्टाय् ५९ म्ह सीगु दु। थ्व नाप आःतक सीपिनिगु ल्याः ८ हजार २३८ म्ह थ्यंगु दु। अथेहे वंगु २४ घण्टाय् ५,२९३ म्ह संक्रमणमुक्त जुगु दु धका मन्त्रालयं धागु दु।

Categorized in राष्ट्रिय