बुधवाः सेयर कारोबार मापक नेप्से परिसूचक दोहोरो अंक क्वहा वंगु दु।

न्हिच्छि यकं थहा क्वहा वंगु थौं बुधवाः नेप्से परिसूच्क १३ दशमलव ५६ अंक घटे जुया २ हजार ९ सय ४६ दशमलव ५८ अंकय् क्वहा वंगु खः। अथे क वर्गया कारोबार मापन याइगु सेन्सेटिभ इन्डेक्स २ दशमलव ८३ अंक कुहा वंगु दु।

न्हिच्छि यकं १ लाख ५५ हजार २३९ कारोबारपाखे २२१ कम्पनीया ३ करोड १३ लाख ५४ हजार २२ कित्ता सेयर किनबेच जुगु खः। उकि कारोबार रकम १६ अर्ब ९९ करोड ७० लाख ९२ हजार ७०३ रुपैयाँ थ्यगु खः।

नेपाल इन्स्यारेन्सया लगानीकर्तापिन्स थौं यक्को कमे यागु दु। थुगु कम्पनीया सेयर भाः ९ दशमलव ९५ प्रतिशतं थहावंना १ हजार ६ रुपैयाँ थ्यःगु दु। निगु थासय् युनाइटेड मोदी हाइड्रोपावरक कम्पनी व स्वंगु थासय् रिढी हाइड्रोपावर कम्पनी खने दुगु दु।

अथेहे अरुण भ्याली हाइड्रोपावर, सीईडीबी हाइड्रोपावर, बरुण हाइड्रोपावर, पोखरा फाइनान्स व प्रभु इन्स्यारेन्सया सेयर मूल्य ९ प्रतिशत थहा वंगु दु। उखे यक्को गुमे यागुलि न्हापागु थासय् युनाइटेड आइडीआई मार्दी, महालक्ष्मी विकास बैंक, साइन रेसुंगा डेभलपमेन्ट बैंक, मितेरी डेभलपमेन्ट बैंक, गरिमा विकास बैंक, लुम्बिनी विकास बैंकया सेयर भाः क्वहा वंगु दु।

Categorized in राष्ट्रिय