बाँकेय् लिपागु २४ घण्टाय् थप प्यम्ह कोरोना संक्रमितपि सीगु दु।

बर्दियाया बाँसगढी नगरपालिका–८ या ३९ दँ दुम्ह मिजंम्ह आइतवाः सुथय् १ बजेति व ठाकुरबाबा नगरपालिका–२ या ५५ दँ दुम्ह मिजंम्ह सुथय् ५ बजे भेरी अस्पतालय् उपचारया झ्वलय् मदुगु खः।

अथेहे, बाँकेया बैजनाथ गाउँपालिका–३ या ३३ दँ दुम्ह मिसाम्ह शनिवाः न्हिनय् ११ः३० बजे नेपालगञ्ज मेडिकल कलेज व नेपालगञ्ज उपमहानगरपालिका–१ या ४५ दँ दुम्ह मिसाम्ह आइतवा सुथय् ६ बजे युनाइटेल अस्पतालय् उपचारया झ्वलय् मदुगु खः।

थ्व नाप बाँके जिल्लाय् कोरोना संक्रमणं सीपिनिगु याः ३०२ म्ह थ्यंगु दु सा पिने जिल्लापाखे उपचारया लागि वःपि ३१३ म्ह थ्यंगु दु।

Categorized in राष्ट्रिय