लिपागु २४ घण्टाया दुने देयन्यक ३ हजार ५४० म्हेसित कोरोना संक्रमण पुष्टि जुगु दु।

स्वास्थ्य तथा जनसंख्या मन्त्रालयं बिगु जानकारी कथंथीथी जिल्लाय् यागु ११ हजार ४७१ म्हेसित पीसीआर परीक्षणय् ३ हजार ५४० म्हेसित कोरोना पुष्टि जुुगु दु।

अथेहे, ५ हजार ३४३ एन्टिजेन परीक्षणय् १ हजार ५०२ म्ह कोरोना संक्रमण खनेदुगु खः।  अथेहे, २४ घण्टाय् जक ८ हजार २४३ म्ह कोरोना संक्रमणमुक्त जुगु दु। थ्व नाप आःतक कोरोना संक्रमणमुक्त जुपि ४ लाख ८४ हजार ३७३ म्ह थ्यंगु दु।

नेपालय् सक्रिय संक्रमितपि ९२ हजार ९२८ म्ह दु। क्वारेन्टाइन आः ७३० म्ह च्वना च्वंगु दु।मन्त्रालयं बिगु जानकारी कथं देयन्यक थप ६८ म्हेसिगु ज्यान वंगु दु। थ्व नाप आःतक नेपालय् कोरोनां सीपि ७ हजार ७९९ म्ह थ्यंगु दु।

Categorized in राष्ट्रिय