सरकारं पत्रकार जुइत जाँच कायेगु निकाय आमसञ्चार प्रशिक्षण प्रतिष्ठान निस्वनेगु जूगु दु ।

सरकारया प्रवक्ता पार्वत गुरुङं आमसञ्चार प्रशिक्षण प्रतिष्ठान गठन आदेश २०७८ स्वीकृतिया लागि अर्थ मन्त्रालय छ्वयागु म्हिगः जानकारी बिउगु दु ।

शुक्रबार मन्त्रालयस पत्रकार सम्मेलन याना मन्त्री गुरुङं पत्रकारपिन्त जाँच काइगु निकाय निस्वनेगुयात “गेमचेन्जर” धकाः टिप्पणी यानादिल ।

न्ह्यागु सेवा क्षेत्रय् दुथ्याय्त आधारभूत दक्षता परीक्षण व पास जुइमाथें पत्रकारिता क्षेत्रय् नं दुथ्यायेत सरकारी मान्यताया प्रशिक्षण केन्द्र आमसञ्चार प्रशिक्षण प्रतिष्ठान स्थापना गठन आदेश २०७८ यात अर्थ मन्त्रालय छ्वयागु मन्त्री गुरुङं धयादिल ।

वयकलं सरकारया ज्यावः ऐतिहासिक जूगु नं दाबी यानादिल ।

Categorized in राष्ट्रिय