१ अर्ब ३७ करोड ८७ लाख स्वया अप्वो सेयर कारोबार
लहानान्युज | कछलागा सप्तमी ११४१,जेष्ठ १९ बुधवाः
![](https://www.lahananews.com/sites/default/files/stock-market-share-nepse.jpg)
सोमवाः व मंगलवाः लगातार घटे जुगु सेयर बजाः थौं बुधवाः धासा उत्साह खनेदुगु दु। बुधवाः नेप्से परिसूचक ५५ दशमलव ७६ अंकं थहावना २ हजार ८ सय २७ दशमलव १२ अंकय् थ्यंगु दु।
‘क’ वर्गया कारोबार मापन यायगु सेन्सििेटभ इन्डेक्स न ७ दशमलव ८३ अंकं थहावंगु दु। थ्व स्वया न्ह्यः सोमवाः ४५ अंकं बजाः घटे जुगु खःसा मंगलवाः न दोहोरो अंकं घटे जुगु खः।
कारोबार रकमय् मंगलवाः तुलनाय् सुधार जुगु दु। मंगबवाः ९ अर्ब स्वया अप्वो कम जुगुसा बुधवाः ११ अर्ब ३५ करोड रुपैयाँ स्वया अप्वो जुगु दु । बुधवाः समूहगत इन्डेक्सय् म्युचुअल फण्ड बाहेकया दक्को समूहया सवइन्डेक्सपि अप्वोगु दु।निन्हु यकं हाइड्रोपावर कम्पनीपिनिगु सेयर भाः क्वहावंगु दु।
थौं बुधवाः धासा सुधार जुगु खनेदुगु दु। कारोबार रकमया आधारय् पुनर्बिमा कम्पनी थौं न नम्बर खनेदुगु। थुगु कम्पनीया थौं १ अर्ब ३७ करोड ८७ लाख रुपैयाँ स्वया अप्वो सेयर कारोबार जुगु दु।
Categorized in राष्ट्रिय