साल्ट ट्रेडिङं डेलिभरी भ्यानपाखे खाद्यान्न बिक्री
लहानान्युज | कछलागा षष्ठी ११४१,जेष्ठ १८ मंगलवाः
![](https://www.lahananews.com/sites/default/files/saltrading-5.jpg)
साल्ट ट्रेडिङं मंगलवाः निसे स्वनिगः दुने छगु दर्जन थासय् डेलिभरी भ्यानपाखे खाद्यान्न बिक्री याये त्यंगु दु।
स्वंगः डेलिभरी भ्यानपाखे येँ व ख्वपय् थौं मंगलवाः खाद्यान्न बिक्री यायेत्यंगु दु धका कम्पनीं धागु दु। उपभोक्तापिन्स फोन याना माग यागु आधाय् १२ गु त्वालय् भ्यानपाखे माइकिङ यासे खाद्यान्न बिक्री याइगु धका कर्पोरेसनया सूचना अधिकारी कुमार राजभण्डारीं जानकारी बिगु खः।
मंगलवाः खाद्यान्न ज्वना भ्यान सेगल, क्षेत्रपाटी, थहिटी, बाङ्गेमुडा, ठमेल व सञ्चयकोष भवन जःखः खाद्यान्न बिक्री याइ धका धागु दु। अथेहे मेगु भ्यानं सितापाइला, रामकोट, भीमढुंगा व काभ्रेस्थलीइ खाद्यान्न बिक्री याइ । अथेके मेगुे डेलिभरी भ्यान ठिमी, बालकोट, लोकन्थली, कौशलटार व गोलमढीइ खाद्यान्न बिक्री याइ।
छगः भ्यानय् करिब ५० निसे ६० छेँखाय् गाक्क दइ धका खाद्यान्न कर्पोरेसनं बिक्रीया लागि छ्वइगु धका राजभण्डारीं धागु दु। कर्पोरेसनं दाल, जाकी, चिं, चिनी, चिकं, मैदा, छूचू, बजि व मस्यौरा बिक्रीया लागि भ्यानय् छ्वयागु दु धका धागु दु । कर्पोरेसनं बिक्री याइगु एसटीसी ग्यास धासा डिलरपाखे कायेमा धका कर्पोरेसनं धागु दु।
Categorized in राष्ट्रिय