नेपालया सुटिङ कासामि कल्पना परियार वाइल्ड कार्ड बिल
शोभा श्रेष्ठ | कछलागा द्धितीया ११४१,जेष्ठ १४ शुक्रवाः
![](https://www.lahananews.com/sites/default/files/ira.jpg)
जापानय् जुइगु टोकियो ओलम्पिकया लागि नेपालया सुटिङ कासामि कल्पना परियारं थौं शुक्रवाः वाइल्ड कार्ड प्राप्त यागु दु।
आः कासामि परियारं नेपालया प्रतिनिधित्व यासे टोकियो ओलम्पिकय् सहभागी जुइगु निश्चित जुगु दु। कल्पनां १० मिटर एयर राइफलय् प्रतिस्पर्धा याइ ।
कल्पना टोकियो ओलम्पिकया लागि वाइल्ड कार्ड प्राप्त याम्ह न्हापाम्ह कासामि जुगु दु। ‘नेपाल ओलम्पिक कमिटी व नेपाल सुटिङया यक्को कुतः लिपा वाइल्ड कार्ड प्राप्त जुगु दु,’ नेपाल ओलम्पिक कमिटीया उपाध्यक्ष नाप कार्यकारी निर्देशक चतुरानन्दराज वैद्यं धागु दु।
वयकलं मेमेगु कासाय् न वाइल्ड कार्डया लागि कुतः जुयाच्वंगु दु धका धयादीगु खः। टोकियो ओलम्पिक जुलाई २३ निसे अगस्ट ८ तक जुइगु व कल्पना नाप प्यम्ह कासामि सहभागी जुइगु निश्चित जुइ धुकुगु दु।
सहभागी जुइत मेपि स्वम्ह कासामि गौरिका सिंह, एलेक्स शाह व म्याराथनया गोचीचन्द्र पार्कीपि खः। मेगु कासाय् वाइल्ड कार्ड प्राप्त जुइपि कासामिया निर्णय जुइगु धासा बाँकी दनिइ ।
Categorized in कासा