भारतय् कोरोना भाइरस (कोभिड–१९) या न्हुपि संक्रमित जुपि ४४ दिं लिपा दकलय् कम खनेदुगु दु।

भारतया स्वास्थ्य तथा परिवार कल्याण मन्त्रालयया कथं लिपागु २४ घण्टाय् कोरोना १ लाख ८६ हजार ३६४ म्ह न्हुपि संक्रमित थपे जूगु दु।

उगु इलय भारतउ् कोरोना संक्रमणया कारण ३ हजार ६६० म्ह सीगु दु। अथेहे  भारतय् कोरोनाया समग्र संक्रमितपि २ करोड ७५ लाख ५५ हजार स्वया अप्वो जुगु दु।

अथेहे भारतय् कोरोनां सीपि ३ लाख १८ हजार ८९५ म्ह थ्यंगु दु। न्हापागु २४ घण्टाय् भारतया तामिलनाडुइ दकलय् अप्वो ३३ हजार म्ह न्हुपि संक्रमितपि  थपे जुगु दु।

अथेहे केरला व कर्नाटकय् न्हुपि संक्रमितपि २४ हजार स्वया अप्वो दु। महाराष्ट्रय् न २१ हजार स्वया अप्वो न्हुपि संक्रमित थपे जुगु दु।

भारतय् कोरोना सक्रिय संक्रमितपि २२३ लाख ४३ हजारय क्वहावंगु दु।

Categorized in अन्तर्राष्ट्रिय