चिकित्सकपिन्त कुटपिट यागु घटना सहायक सीडिओ नेतृत्वय् समिति गठन
लहानान्युज | कछलागा द्धितीया ११४१,जेष्ठ १४ शुक्रवाः
![](https://www.lahananews.com/sites/default/files/Shankar_Bista.jpg)
वंगु बिहीवाः चान्ह्यः भेरी अस्पतालय् चिकित्सकपिन्त कुटपिट यागु घटनायात छानबिन यायेत बाँकेया सहायक प्रमुख जिल्ला अधिकारीया नेतृत्वय् समिति गठन यागु खः।
शुक्रवाः च्वंगु सरोकारवाला निकायया बैठकं सहायक प्रजिअ शंकर बहादुर विष्टया अध्यक्षताय् न्ह्यम्ह सदस्यीय समिति गठन यानागु दु धका प्रमुख जिल्ला अधिकारी शिवराम गेलालं जानकारी बिगु दु।
उगु समितिइ चिकित्सक संघ, नर्सिङ संघ, अस्पताल प्रशासन व जिल्ला सरकारी वकिलया कार्यालयया प्रतिनिधि तक तःगु दु।
समितिं थौनिसे हे ज्यायाना व स्वन्हुया दुने घटनाया सत्यतथ्य पत्ता लगे याना प्रतिवेदन बुझे यायेत सहायक प्रजिअ विष्टं जानकारी बिगु दु।
अथेहे समितिइ मेडिकल एसोसिएसनपाखे विनोद कर्ण, अस्पताल व्यवस्थापन समितिइ पाखे कृष्णप्रसाद श्रेष्ठ, नर्सिङ एसोसिएसनपाखे लक्ष्मी ओली नाप जिल्ला सरकारी वकिलया कार्यालयया प्रतिनिधि व अस्पतालया छम्ह चिकित्सक दु।
Categorized in राष्ट्रिय