बाँकेया भेरी अस्पतालय् बिहीवाः चान्ह्यः चिकित्सकयात आक्रमण यागु दु।

उपचारया झ्वलय् छम्ह संक्रमित सीगुलि वया थःथितिइ चिकित्सकयात आक्रमण यागु धका अस्पतालया मेडिकल सुपरिटेन्डेन्टं धागु दु। बिहीवाः चान्ह्यः ८ बजे सिप्याप भेन्टिलेटरय् दाङया ५४ दँ दुम्ह संक्रमित उपचारया झ्वलय् मदुगु खः।

वयागु अवस्था गम्भीर दुम्ह खः । स्वास्थ्यय् सुधार मवःगु खः। चिकित्सकपिन्स यक्को कुतः यागु खःसा लिपा मदुगु खः। उम्ह मनू मदेयवं वया थःथितिं अस्पतालय् तोडफोड यासे चिकित्सकयात आक्रमण यायेवं प्यम्ह चिकित्सकसपि झ्यालं तिन्हुया ज्यान बचे याये मागु खः ।

गुम्ह चिकित्सक व नर्सपि लितू लिया आक्रमण यागु खः। उपचारय् संलग्न डाक्टर, नर्सपि नाप खुम्ह स्वास्थ्यकर्मीपिन्त आक्रमण यागु खः। चिकित्सकपिन्त प्यम्हेसिया आक्रमण यागुलि निम्हेसित प्रहरीें नियन्त्रणय् काये धुकुगु दु। सुरक्षाया प्रत्याभूति जुइ मागु, आक्रमण यापिन्त कडा स्वया कडा कारबाही जुइ मागु माग चिकित्सकपिन्स यागु दु।

चिकित्सकयात आक्रमण जुइवं आः अस्पताल प्रशासन, नेपाल मेडिकल एसोसिएसन लगायतपि सहभागिताय् आकस्मिक बैठक च्वना च्वंगु दु।

Categorized in राष्ट्रिय