वघटन विरुद्धया रिटय् संवैधानिक इजलास सुनुवाइ थौनिसे जुइगु
लहानान्युज | कछलागा द्धितीया ११४१,जेष्ठ १४ शुक्रवाः
प्रतिनिधिसभा विघटन विरुद्धया रिटय् संवैधानिक इजलास सुनुवाइ यायेगु प्रक्रिया सुरु जुगु दु।
उगु रिट सुनुवाइया लागि थौं शुक्रवाः सर्वाेच्च अदालतय् संवैधानिक इजलास गठन जुइत्यंगु दु।
सर्वाेच्चया प्रवक्ता भद्रकाली पोखरेलया कथं संवैधानिक इजलास च्वनिइपि न्यायाधीश ल्यये धुका थौ हे इजलासया रिटय् सुनुवाइ यायेगु तयारी दु।
सरकारया सिफारिसय् वंगु शुक्रवाः राष्ट्रपति विद्यादेवी भण्डारीं यागु संसद विघटन विरुद्धया दक्को मुद्दा संवैधानिक इजलासं स्वयेगु निर्णय बिहीवाः सर्वोच्च अदालतं यागु दु।
संवैधानिक इजलासय् च्वनिइपि न्यायाधीशया छनोट प्रधानन्यायाधीश चोलेन्द्र शमशेर जबरां याइ।
Categorized in राष्ट्रिय
