वंगु २४ घण्टाया दुने कोरोना भाइरस संक्रमणमुक्त जूपि ७,२२६ म्ह थ्यंगु दु।

स्वास्थ्य तथा जनसंख्या मन्त्रालयया कथं ६,९३९ म्ह न्हुपि संक्रमित जुगु दुसा ७,२२६ म्ह संक्रमणमुक्त जूगु दु।

२० हजार ४१४ पीसीआर परीक्षणय् ६७३१ म्ह व ५७८ एन्टिजेन परीक्षणय् २०८ म्ह लिपागु २४ घण्टाय् ६,९३९ न्हुपि संक्रमित पुष्टि जुगु खः।

अथेहे नेपालय् कोरोना भाइरस संक्रमितपि ५ लाख ४२ हजार २५६ म्ह थ्यंगु दु। उकि मध्ये १ लाख १६ हजार ४७६ म्ह सक्रिय संक्रमित दु।

अथेहे लिपागु २४ घण्टाय् कोरोना भाइरस संक्रमणया कारण १०६ म्ह सीगु दु धका मन्त्रालयं  धागु दु।

थ्व नाप आःतक नेपालय् कोरोना भाइरस संक्रमणं सीपि ६,९५१ म्ह थ्यंगु दु।

Categorized in राष्ट्रिय