संसद विघटनविरुद्ध सर्वोच्च अदालतय् तःगु रिटय् सुनुवाइ सुरु जुगु दु।

प्रधानन्यायाधीश चोलेन्द्रशमशेर जबराया बेन्चय् वःगु १९ रिटय् सुनुवाइ सुरु जुगु दु । न्हापागु नम्बरय् वीरभद्र जोशीसहितं दायर यागु रिट निवेदन खः ।

जोशीं बहस सुरु यागु दु। अन्तरिम आदेशया माग याना १९ गु रिटया सुनुवाइ प्रधानन्यायाधीश जबरां थःगु एकल बेन्चं यायगु धका तोके यागु खः। संवैधानिक इजलासया सुनुवाइ माग यागु ११ रिट धासा जेठ १४ गते शुक्रवाःया लागि पेशी तोके यागु खः।

सरकारया सिफारिसय् राष्ट्रपति विद्यादेवी भण्डारीं धारा ७६(५) बमोजिम प्रधानमन्त्री नियुक्ति यागु आधार मदु धासे संसद विघटन यना मध्यावधि निर्वाचन घोषणा यागु उकिया विरुद्ध ३० गु रिट दर्ता यागु खः।

Categorized in राष्ट्रिय