महामारीया विषयस नेपाः व चीन दथुई भर्चुअल मुँज्या
कछलाथ्व पुन्ही ११४१,जेष्ठ १२ बुधवाः
![](https://www.lahananews.com/sites/default/files/china_0.jpg)
नेपालया राजनीतिक दलया नेतापिंलिसे कोरोना महामारीया ईलय् छप्पं जुया न्ह्याय्गु विषयस चिनियाँ कम्युनिष्ट पार्टीया विदेश विभागं थौं भर्चुअल सहलह ज्याझ्वः यात ।
सहलह ज्याझ्वलय् उपप्रधानमन्त्री ईश्वर पोखरेल, माओवादी केन्द्रया नायः पुष्पकमल दाहाल, कांग्रेस विदेश विभाग प्रमुख डा नारायण खड्का, मजदूर किसान पार्टीया नायः नारायमान बिजुक्छे, राप्रपा नायः पशुपति शमशेर जबरा, जनता समाजवादी पार्टीया नायः उपेन्द्र यादव व राष्ट्रिय सभाया नायः गणेश तिमल्सिनाया ब्वति दूगु खः ।
सीपीसीपाखें अन्तर्राष्ट्रिय विभागया उपप्रमुख चेन झोउया ब्वति दूगु खः । उगु झ्वलय् उपप्रधानमन्त्री पोखरेलं चीनं नेपाःयात स्वास्थ्य सामग्री, भ्याक्सिन व अक्सिजन प्लान्ट ग्वहालि याःगुलि सुभाय् देछासें कोभिड–१९ रोकथाम व कजय् कायेया नितिं अझ ग्वहालि माःगु धयादिल । माओवादी केन्द्रया नायः दाहालं महामारी नियन्त्रणया लागि चिन सरकारं नेपाःयात स्वास्थ्य सामाग्री उपलब्ध याःगु तसकं लसतां जाःगु खँ खः धयादिल ।
कांग्रेस नेता डा नारायण खड्कां महामारीया हुनिं अक्सिजन, अक्सिजन सिलिण्डर लगायत स्वास्थ्य सामाग्री मगामचाः जुयाच्वंगु ईलय् नेपाःयात स्वास्थ्य सामाग्री ग्वहालि याःगुलिइ सुभाय् देछानादिल ।
अथेहे जसपा नायः उपेन्द्र यादवं चीनं नेपाःयात न्ह्याबलें राजनीतिक स्थायित्व व थपूया बः बियावयाच्वंगु धासें महामारीमा उपलब्ध यानादिगु खोपलिसेंया स्वास्थ्य सामग्रीं नेपाली पिनिगु जीवन रक्षा यायेत ब जुइगु भलसाः प्वंकालिद ।
अथेहे राष्ट्रिय सभाया नायः गणेशप्रसाद तिमिल्सिनां चीन सरकारं बियादिगु अक्सिजन सिलिण्डरया हुनिं जक हे द्वलंद्व नेपाली पिनिगु जीवन रक्षा जूगु धयादिल ।
चीनं न्ह्याकूगु बिआरआई प्रोजेक्टय् नेपालं ल्हाचिं स्वदँ पुवनेधुंकूगु न्ह्यथसं वयकलं आः कार्यान्वयनय् न्ह्यज्यायेमाःगु धयादिल ।