आः निषेधाज्ञाय् खाद्यान्न पसः व डिपार्टमेन्टल स्टोर न बन्द
लहानान्युज | कछलाथ्व चतुर्दशी ११४१,जेष्ठ ११ मंगलवाः
![](https://www.lahananews.com/sites/default/files/curfew_5.jpg)
स्वनिगः दुने निषेधाज्ञा छवाःया लागि थप यागु दु ।
संक्रमण जूपि घटे मजुगु धका धासे कडा प्रावधान नाप छवाःया निषेधाज्ञा थपे यगु दु। येँ, यल व ख्वपया स्वम्ह प्रमुख जिल्ला अधिकारीपिनिगु मंकाः कथं च्वंगु बैठकं छवाःया लागि कडा निषेधाज्ञा तयेगु निर्णय यागु दु।
आः थपे यागु निषेधाज्ञाय् सुथय् ९ बजे तक तरकारी, फलफूल, दुरु, ला व ग्याँस पसः चायके दइगु जुगु दु।
तर खाद्यान्न पसः, डिपार्टमेन्टल स्टोर चाहिँ बन्द यायेगु निर्णय जुगु दु धका येँया सहायक प्रमुख जिल्ला अधिकारी उमाकान्त अधिकारीं धागु दु।
वयकःया कथं सरकारी कार्यालय, बैंक, सार्वजनिक संस्थान व इन्टरनेट सेवा प्रदायकया सवारीसाधन सञ्चालनय् कडा यागु दु ।
Categorized in राष्ट्रिय