संसद विघटनया विरुद्ध सर्वोच्च अदालतय् ३० गु रिट दर्ता जुगु दु। उकि मध्ये १९ गु रिट साधारण इजलास व ११ गु संवैधाानिक इजलासय् सुनुवाइया माग यागु खः।

सर्वोच्च अदालतया कथं अन्तरिम आदेश माग यागु १९ गु रिटको सुनुवाइ जेठ १३ गते बिहीवाः जुइगु कथं तोके यागु दु। अथेहे संवैधानिक इजलासया सुनुवाइ माग यागु ११ गु रिट धासा जेठ १४ गते शुक्रवाःया लागि पेशी तोके यागु दु।

राष्ट्रपति विद्यादेवी भण्डारीं धारा ७६(५) बमोजिम प्रधानमन्त्री नियुक्ति जुइगु आधार मदु धका धासे बिगु निर्णय बिगु वंगु जेठ ७ गते मन्त्रिपरिषदया सिफारिसय् राष्ट्रपतिपाखे संसद विघटन यासे कात्तिक २६ व मंसिर ३ गते निर्वाचनया मिति तोके यागु खः।

संसद विघटन असंवैधानिक व धारा ७६(५) कथं शेरबहादुर देउवायात प्रधानमन्त्री नियुक्तिया माग यासे १४६ म्ह सांसदपिन्स सर्वोच्चय् रिट दर्ता यागु खः।

Categorized in राष्ट्रिय