प्रिमियर लिग फुटबलया थुगुसीया सिजन थौं क्वचाइगु
बछलाथ्व द्धादशी ११४१,जेष्ठ ९ आईतवाः
![](https://www.lahananews.com/sites/default/files/epl_0.jpg)
इङ्गलिश प्रिमियर लिग फुटबलया न्ह्यानाच्वंगु सिजन थौं क्वचाइगु जूगु दु ।
थौं बहनि जःछिपा ९ ताःईलय् जूइगु लिपांगु १०गू कासा जुया थुगुसीया सिजन क्वचाइ । म्यानचेष्टर सिटीं थ्वसिबें न्ह्यः स्वंगु कासाः ल्यंदनिबलय् हे उपाधि त्याकेधुंकूगु दु म्यानसिटीं थौं एभर्टनलिसे कासा म्हिति । लिपांगु झ्वःपाखें च्याम्पियन्स लिग व युरोपा लिगय् छनोट जुइगु अर्थात् शीर्ष ६गू थासय्या टिम ल्यइगु जुई ।
शीर्ष प्यंगु टिमं च्याम्पियन्स लिग म्हिते दईगु जूगुलिं आः तक म्यानसिटी व निगूगु थासय् लानाच्वंगु म्यानचेष्टर युनाइटेड जक सुरक्षित दु । गुकिइ निगू टिमया छिनोफानो थौं हे जुई ।
चेल्सी, लिभरपुल व लेस्टर सिटीमध्ये निगु टिम च्याम्पियन्स लिगया छनोट लाई । थौं चेल्सीं एस्टन भिल्लालिसे, लिभरपुलं क्रिष्टल प्यालेसलिसे व लेस्टरं टोटनह्याम हट्सपरलिसे कासा म्हितिइ ।
न्यागूगु व खूगुगु टिमं धाःसा युरोपा लिग म्हिते दईमखु । थ्वः सिजन फुल्हम, वेस्टब्रोम दथुई आल्वियन व शेफिल्ड युनाइटेड रेलिगेशनय् लायेधुंकूगु दु ।