होम आइसोलेशनय् च्वनिपिनिगु लागि परामर्श यायेत थप डाक्टर ब्यवस्था
लहानान्युज | कछलाथ्व सप्तमी ११४१,जेष्ठ ५ बिहीवाः
देयन्यक छगु लाख स्वया अप्वो कोरोना सङ्क्रमित जुया छेँय् च्वनाच्वंगु दु।
सरकारं सामान्य लक्षण दुपि छेँय् हे होम आइसोलेशनय् च्वनेत इनाप यागु दु।
गम्भीर अवस्थाया च्वंपि जक अस्पतालय् उपचार यानाच्वंगु दु। सरकारं होम आइसोलेशनय् च्वनेगु इलय् डाक्टरनाप परामर्श यायेत, डाक्टरपिनिगु परामर्शया आधारय् वासः नयेत व सासः ल्ह्यात समस्या दुपिन्त तत्काल न्ह्यने यागु अस्पतालय् वनेत इनाप यागु दु ।
सङ्क्रमितपिनिगु ल्याः थपे जुया वंगुलि सरकारं परामर्श यायेत डाक्टरपिनिगु धलः थपे यागु दु।
स्वास्थ्य मन्त्रालय व नेपाल मेडिकल काउन्सिलं होम आइसोलेशनय् च्वनिपि सङ्क्रमितपिन्त मागु परामर्शया लागि व्यवस्था यासे डाक्टरपिनिगु धलः थुकथं दु :
