सेयर बजारय् न्हगु रेकर्ड
लहानान्युज | कछलाथ्व षष्ठी ११४१,जेष्ठ ४ बुधवाः
![](https://www.lahananews.com/sites/default/files/nn_4.jpg)
मंगलवाः सेयर बजारय् न्हगु रेकर्ड कायम जुगु दु ।
सेयर कारोबार मापक नेप्से परिसूचक ३४ दशमलव ५९ अंकं थहावंना सेयर कारोबार मंगलवाः ११ अर्ब ३५ करोड रुपैयाँ च्वय् थ्यंगु दु, थ्व आःतक हे दकलय् अप्वो खः।
थुकि याना सेयर लगानी याइपि लयतागु दु। नेपाल उद्योग वाणिज्य महासंघ पुँजी बजार फोरमया सभापति अम्बिका प्रसाद पौडेलं सेयर बजाः आःतक हे दकलय् अप्वो कारोबार जुगु लसताया खँ खः धका धयादीगु खः ।
मंगलवाः १ करोड १५ लाख ९ सय ६१ कारोबार जुगुलि २ करोड ३१ लाख ३१ हजार ६ सय १५ कित्ता सेयर किनबेच जुगु खः।
किनबेच सेयर ल्याः आःतक हे दकलय् अप्वो खः।
Categorized in राष्ट्रिय