कोभिड १९ या संक्रमणपि येँ महानगरपालिकाय् कोरोना परीक्षण याःपिंमध्ये ७० प्रतिशतयात पुष्टि जूगु दु ।

वंगु शनिवाः तक स्वाब मुंकेगु नितिं न्यागू केन्द्र दयेकाः ज्या यानाच्वंगु येँ महानगरं न्हियान्हिथं संक्रमितया ल्याः अप्वयाः वयाच्वंगुलिं आइतवाःनिसें १६ गू परीक्षण यायेगु थाय् क्वःछिनाः परीक्षणयात तीव्र याःगु दु ।

येँ महानगरपालिकाया ३२ गू वडापाखें न्हि ६०० म्हेसिगु परीक्षणपिनिगु जुयाच्वंगु व परीक्षणय् ४२० म्हेसित पुष्टि जुगु दु धका येँ महानगरपालिका जनस्वास्थ्य महाशाखां जानकारी बिगु दु। येँ महानगरपालिकाय् १० हजारसिबें अप्वः सक्रिय संक्रमित आःतक येँ महानगरपालिकाय् ५१ हजार ४१२ म्ह कोरोना भाइरसपाखें संक्रमित जुइ धुकुगु दु।

उकि मध्ये १० हजार ८०१ म्ह सक्रिय संक्रमित दु । दकलय् अप्वो वडा ३२ य् ४ हजार ७५५ म्ह दुसा दकले म्हो वडा १८ य् २०७ म्हेसिके कोरोना पुष्टि जूगु दु । अथेहे, आःतक ४० हजार २३६ म्ह थुगु ल्वय् पाखें कोरोनामुक्त जुइ धुंकूगु दु । कोरोना संक्रमणया कारणं आःतक ३४५ म्ह सी धुकुगु दु।

येँ महानगरपालिकाय् आः दुपिं संक्रमितमध्ये १० हजार १८१ म्ह होम आइसोलेसनय् दुसा ११४ म्ह संस्थागत आइसोलेसनय् व ५०६ म्हेस्यां अस्पतालय् वासः याकाच्वंगु दु । 

Categorized in राष्ट्रिय