मदन–आश्रित स्मृति दिवस
लहानान्युज | कछलाथ्व पंचमी ११४१,जेष्ठ ३ मंगलवाः
थौं मदन–आश्रित स्मृति दिवस ।
पार्टीया तत्कालीन एमाले महासचिव मदन भण्डारी व संगठन प्रमुख जीवराज आश्रितया लुमन्ति थौं एमाले न २८ क्वःगु स्मृति दिवस हने त्यंगु दु ।
तर, कोरोना सङक्रमण जोखिम व निषेधाज्ञाया कारण थौं औपचारिक ज्याझ्वः धासा मदु धका एमाले न धागु दु । नेपालया कम्युनिस्ट आन्दोलनय् जनताया बहुदलीय जनवाद जबजपाखे लोकतान्त्रिक लँय् यकेगुलि मदन भण्डारीया महत्वपूर्ण भूमिका दु । मदन भण्डारी व जीवराज आश्रितयात आदर्श नेता कथं म्हसिका दु ।
मदन–आश्रित स्मृति दिवसय् नेकपा एमालेया अध्यक्ष केपी शर्मा ओलीं श्रद्धाञ्जली व्यक्त यासे जनताया बहुदलीय जनवादया सिद्धान्त मार्गदर्शनया रुपं स्थापित जुगु धका धयादीगु दु । नाप वयकलं स्वदँ न्ह्यः एमाले व माओवादी केन्द्र दथुइ एकता समृद्ध नेपाल, सुखी नेपालीया राष्ट्रिय आकांक्षा पूरा यायेगु कुतः जुगु एकीकरणया अभियान निष्कर्षय् मथ्यंगु धका धयादीगु दु।
अध्यक्ष ओलीं कम्युनिष्ट आन्दोलनयात एकीकृत यायेगु अभियानय् निरन्तर लगे जुइगु प्रतिवद्धता न यानादीगु दु।
Categorized in राष्ट्रिय
