निषेधाज्ञा स्वनिगलय् १५ दिं थपे याइगु
लहानान्युज | चौलागा चतुर्दशी ११४१,बैसाख २७ मंगलवाः
![](https://www.lahananews.com/sites/default/files/curfew_2.jpg)
जिल्ला कोभिड–१९ संकट व्यवस्थापन केन्द्र (डीसीसीएमसी) न स्वनिगलय् थप १५ दिं निषेधाज्ञा यायेगु सिफारिस यागु दु।
स्वनिगलय् मेयरपि नाप थौं सोमवाः जुगु छलफल लिपा थप १५ दिं निषेधाज्ञा आदेश थप यायेगु सिफारिस यागु दु ।
काठमाडौंया प्रमुख जिल्ला अधिकारी कालीप्रसाद पराजुलीया कथं थुकिया सीसीएमसीइ छ्वया निर्णय यायेगु जुइ धका धयादीगु खः ।
थुकिया लागि कन्ह्य मंगलवाः येँ, ख्वप व यल प्रमुख जिल्ला अधिकारीपिनिगु बैठक च्वनिइ। स्वनिगलय् १६ गतेनिसे निषेधाज्ञा जारी यागु खः ।
लिपागु पटक थप यागु २९ गते क्वचाइ।
Categorized in राष्ट्रिय