गण्डकी प्रदेशय् थप स्वम्ह कोरोना संक्रमितपि मन्त
लहानान्युज | चौलागा द्धादशी ११४१,बैसाख २५ सनिवाः
![](https://www.lahananews.com/sites/default/files/uu%20%2835%29_5.jpg)
गण्डकी प्रदेशय् थप स्वम्ह कोरोना संक्रमितपि सीउगु दु ।
कोरोना संक्रमणपाखे निम्ह कास्कीयापि व छम्ह पर्वतयाम्ह मदुगु दु धका गण्डकी प्रदेश स्वास्थ्य निर्देशनालयं धागु दु ।
कास्कीया पोखरा महानगरपालिका–१३ या ४८ दँ दुम्ह कोरोना संक्रमित मिसाम्ह शुक्रवाः बहनि ५ः४० बजे पोखरा स्वास्थ्य विज्ञान प्रतिष्ठानय् उपचार यायेगु झ्वलय् मदुगु खः ।
उम्ह मिसा वैशाख १३ गते कोरोना संक्रमण पुष्टि जूगु खः । अथेहे पोखरा महानगरपालिका–१० या ८१ दँ दुम्ह मिजंम्ह शुक्रवाः बहनि ७ः२५ बजे मणिपाल शिक्षण अस्पतालय् उपचारया झ्वलय् मदुगु खः धका निर्देशनालयं धागु दु।
अथेतु, पर्वतया कुश्मा नगरपालिका–१ या ४० दँ दुम्ह कोरोना संक्रमित मिजंम्ह शुक्रवाः बहनि ५ः१८ बजे मदुगु खः।
थ्व नाप गण्डकी प्रदेशय कोरोना संक्रमणं सीपि २५१ म्ह थ्यंगु दु ।
Categorized in राष्ट्रिय