देयन्यक ५७६३ म्हेसित संक्रमण पुष्टि
शोभा श्रेष्ठ | चौलागा पंचमी ११४१,बैसाख १८ सनिवाः
![](https://www.lahananews.com/sites/default/files/co%201%20%287%29_47.jpg)
१४ हजार ९६९ म्हेसिगु नमुना परीक्षणय् ५७६३ म्हेसित संक्रमण पुष्टि जुगु खः।
नेपालय् थप १९ म्ह सीउगु दु । कोरोना संक्रमणं सीपिनिगु ल्याः ३ हजार २९८ म्ह थ्यगु दु धका स्वास्थ्य तथा जनसंख्या मन्त्रालयं धागु दु ।
थौं शनिवाः थपे जुपि नाप संक्रमित जुपि नाप आःतक नेपालय् कोरोना संक्रमितपिनिगु ल्याः ३ लाख २८ हजार ८९३ म्ह थ्यंगु दु। उकि मध्ये ४३ हजार २१३ म्ह सक्रिय संक्रमितपि दु ।
वंगु २४ घण्टाया दुने येँ १ हजार ९३२म्ह, यलय् ३५५ व ख्वपय् २०८ म्हेसित कोरोना संक्रमण खनेदुगु खः ।
अथेहे बाँकेय् ५५१म्ह, रुपन्देहीइ ४२२म्ह, दाङय् २५१म्ह, कास्कीइ २१२म्ह, चितवनय् १७७म्ह, पसाय् १६३म्ह, कैलालीइ १२५ म्ह व काभ्रय् १०५ म्हेसित संक्रमित जुगु दु ।
अथेहे सुर्खेतय् ९७म्ह, मकवानपुरय् ७१म्ह, सुनसरीइ ६९म्ह, गोरखाय् ६७म्ह, नवलपरासी पूवय् ४३म्ह, बाराय् ४१म्ह, कञ्चनपुरय् ३७म्ह, नुवाकोटय् ५३म्ह, सिन्धुपाल्चोकय् ३५म्ह, मोरङय् ३४म्ह व सल्यानय् २५म्हेसिता कोरोना संक्रमण पुष्टि जुगु दु ।
Categorized in राष्ट्रिय