प्रिपेड ट्याक्सीं एयरर्पोटय् आवतजावत याये फइगु
लहानान्युज | चौलागा तृतिया ११४१,बैसाख १६ बिहीवाः
![](https://www.lahananews.com/sites/default/files/pp-taxi.jpg)
त्रिभुवन विमानस्थलय् यात्रा यायेत आन्तरिक व अन्तर्राष्ट्रिय हवाईयात्रुंं शहरपाखे विमानस्थल तक छेँय् न हे ट्याक्सी सःतिइगु ब्यवस्था यागु दु।
तर, थुगु सुविधा त्रिभुवन विमानस्थल कार्यालयं अनुमति बिगु वांगु नम्बर प्लेटवाला एयरर्पोट प्रिपेड ट्याक्सीया हकय् जक लागू जुइ ।
त्रिभुवन विमानस्थल कार्यालयं थौं छगु सूचं जारी यासे थथे जानकारी बिगु खः । विमानस्थल कार्यालयया कथं हवाई यात्रुं वैधानिक हवाई टिकट÷पासपोर्ट÷भिसा क्यगु आधारय् विमानस्थलय् आवतजावत याये फइ ।
थुकिया लागि सवारी साधनया सुविधा कया प्रिपेड ट्याक्सी सःते फइ । कार्यालयया कथं प्रिपेड ट्याक्सीयात फोन याना सम्बन्धित थासय् वने फइ।