फास्ट ट्र्याकया निगुगु प्याकेजा ठेक्का रोक्के यायेत लेखा समितिया निर्देशन
लहानान्युज | चौलागा तृतिया ११४१,बैसाख १६ बिहीवाः
![](https://www.lahananews.com/sites/default/files/images%20%283%29_0.jpg)
संसदया सार्वजनिक लेखा समितिं नेपाली सेनायात पौ च्वया फास्ट ट्र्याकया निगुगु प्याकेजया ठेक्का प्रक्रिया रोक्के यायेत निर्देशन बिगु दु।
थ्व स्वया न्ह्य न लेखा समितिं स्वकः तक रक्षा मन्त्रालययात पौं च्वया फास्ट ट्र्याकया निगुगु प्याकेजय् अनियमितता जुगु आशंकां ठेक्का प्रक्रिया रोक्के यायेत निर्देशन बिगु खः ।
चैत १९ गते लेखा समितिं फास्ट ट्र्याकया निगुगु प्याकेज अन्तर्गतया टनेल व ताँया ठेक्का प्रक्रियाय् प्रि–क्वालिफाइड हे नियमितताया शंका यासे ठेक्का प्रक्रिया रद्ध याना हाकन सुरु यायेत निर्देशन बिगु खः। तर, निर्देशन कार्यान्वयन मजु धका धाःगु खः । समितिया निर्देशन बेवास्ता यासे वैशाख १२ गते टेण्डर आह्वान यागु खः । संसदीय समितिया निर्देशन विपरीत टेण्डर प्रक्रिया न्ह्यने यकूगु खः।
मकवानपुरया धोद्रेय् (सिम्पानीनिसे चालिसे खोल्सी १.३७ किमी) व लेनडाँडामा (घट्टेपाखानिसे बाँदरेखोल्सी १.४ किमी) तक निगु सुरुङमार्ग व ताँया निर्माण यायेगु लागि २१ गु कम्पनी प्रतिस्पधार्यय् यागु खः । तर सेनां चीनया पोली च्याङ्दा इन्जिनियरिङ कर्पोरेसन लिमिटेडयात जक ‘प्रि–क्वालिफाइड’ ठहर यागु खः।