थौं सोमवाः थपे जुपि संक्रमित मध्ये १ हजार ९१२ म्ह स्वनिगः दुने जकयापि खः ।

थौं येँ जक १ हजार ५६७ म्हेसित जुगु दु । अथेहे यलय् २२३ म्ह व ख्वपय् १२२ म्हेसित कारोना पुष्टि जुगु खः। अथहे, बाँकेय् ३०७म्ह, मोरङय् १३४, पर्साय् ९८ म्ह, चितवनय् ९६म्ह व रुपन्देहीइ ९५ म्ह संक्रमित जुगु दु।

कास्कीइ ६२म्ह, झापाय् ४३म्ह, सुनसरीइ ४२म्ह, कञ्चनपुरय् ४१ म्ह, पाल्पाय् ३४ म्ह, मकवानपुर व बैतडीइ ३२÷३२ म्हेसित कोरोना भाइरसया संक्रमण पुष्टि जुगु दु।

१२ हजार ४ सय म्हेसिगु नमुना पीसीआर परीक्षण यागुलि ३ हजार ४४२ व ८९३ एन्टिजेन परीक्षण यागुलि ११४ म्हेसित कोरोना संक्रमण पुष्टि जुगु दु धका स्वास्थ्य तथा जनसंख्या मन्त्रालयं धागु दु। वंगु २४ घण्टाया दुने देयन्यक थप ३ हजार ५५६ म्हेसित कोरोना भाइरस (कोभिड–१९) या संक्रमण पुष्टि जुगु दु।

अथेहे थप १२ म्ह संक्रमितपि सीउगु दु । थ्व नाप नेपालय् कोरोना संक्रमित जूपिनिगु ल्याः ३ लाख ३ हजार ५६१ म्ह थ्यंगु दु ।

Categorized in राष्ट्रिय